понедельник, 31 января 2022 г.

Замонавийлашаётган маҳалла аҳолига яқинлашмоқдами ёки..?

Бешинчи мақола



“Янги Ўзбекистоннинг 2022–2026 йилларга мўлжалланган тараққиёт стратегияси тўғрисида” Президент фармони лойиҳасида маҳалланинг “фаол” моделини жорий этиш, уни аҳоли муаммоларини бевосита ҳал қилиш ҳамда ҳудудни ривожлантириш учун зарур ресурс ва имкониятлар билан таъминлаш мақсадида 2022 йилда қатор вазифаларни ҳаётга тадбиқ этиш белгиланган.

Қачон маҳалла нуфузи ортади, раиснинг гапи тош босади?

Фармон лойиҳасида барча даражадаги раҳбарлар пастга тушиб, ўз йўналиши бўйича маҳаллалардаги муаммоларни ўрганиши ва уларга ечим топиши тартиби жорий этилиши ҳада маҳалладан туриб барча давлат идораларига мурожаат қилиш тизими яратилиб, давлат ва ижтимоий хизматларнинг бевосита маҳаллада кўрсатиш тизимини жорий этиш кўзда тутилган. Амалга ошириладиган ишлар орқали маҳаллаларнинг халқ олдидаги нуфузи ошириш зарурлиги таъкидланган.

 

Замонавийлашаётган маҳалла аҳолига яқинлашмоқдами ёки..?

 Тўртинчи мақола



Мақоламизнинг ўтган қисмининг охирида уқтирилганидек, тўртинчи мақолада анъаналар, урф-одатлар, қадриятларни сақлаб қолиш нима учун муҳимлиги ҳамда маҳаллалар номларини “замонага мос” бўлишига интилиш доим ҳам ўзини оқламаслиги ҳақида сўз юритилади.

 Йириклашган маҳаллаларда анъналар ўз ўрнини йўқотмадими?

Маҳаллани юқори пардаларда тараннум этадиган шоиру ёзувчи ҳамда журналистлар шундай сифатларни ишлатадики, сўз бойлигаю маҳоратига қойил қолмасликнинг иложи бўлмайди. Маҳалла удум, урф-одат  ва анъаналар шаклланган ва ривожланган, қадриятлар янада такомиллашиб, сайқаллашиб бораётган маскан сифатида кўкларга кўтарилади.

 

Замонавийлашаётган маҳалла аҳолига яқинлашмоқдами ёки..?

 Учинчи мақола



Таҳририятдан: "Инсон қадрини улуғлаш ва фаол маҳалла йили"да МФЙ тизимида йиғилиб қолган муаммоларни аниқлаш ва уларни бартараф этиш чораларини кўриш алоҳида долзарблик касб этмоқда. Шу муносабат билан тизим фаолиятини ичидан билган маҳалла раиси – Самарқанд вилояти бўйича ўз мухбиримизга бундан аввал эълон қилинган ва маҳалла муаммолари кўтарилган  мақоласини давом эттиришини сўраган эдик.

 Қуйида аввалроқ эълон қилинган биринчи ва иккинчи мақоланинг давоми билан танишасиз.

АНЪАНАЛАР МАСКАНИ

Азалдан маҳалла миллий қадриятлар, анъана ва урф-одатлар шаклланган ва юзага келган маскан ҳисобланган. Бу масканда аҳиллик ва ҳамжиҳатлик, кексаларга ҳурмату ёшларга иззат,  муҳтожларга мурувват кўрсатиш каби кўплаб ибратли миллий ва диний қадриятлар ҳукмрон бўлган.

 

Замонавийлашаётган маҳалла аҳолига яқинлашмоқдами ёки..?

 Иккинчи мақола




Таҳририятдан: 2022 йил "Инсон қадрини улуғлаш ва фаол маҳалла йили" деб эълон қилинганлигидан барчамиз хабардормиз. Ушбу таклифни ўртага ташлаган давлатимиз раҳбари юртимизда яшаётган  ҳар бир одамнинг ҳуқуқ ва эркинликлари, қонуний манфаатларини таъминлашда жамиятимиз асоси бўлган маҳалла  ҳал қилувчи ўрин тутишини, маҳалла тинч бўлса, юрт тинч бўлишини, маҳалла обод бўлса, мамлакат обод бўлишини алоҳида таъкидлаб ўтди.

Энди маҳаллага бўлган эътибор яна кучаяди, бу борада алоҳида дастурлар қабул қилинади. Шу муносабат билан маҳалла муаммоларини кўтариб чиқиш, ушбу тизимни янада халққа яқинлаштириб, барча масалаларни жойида ҳал этиш учун нималар қилиш лозимлигини муҳокама этиш долзарблик касб этмоқда.


  ОҚЛАМАДИ-КУ!

Кейинги икки йил давомида маҳалла тизимини ислоҳ этиш бўйича қатор ишлар амалга оширилди. Уларнинг ҳаммаси ҳам ўзини оқладими? Афсуски, бу саволга тасдиқ жавоби қайтариш мушкул. Янгиликларни жорий этиш бўйича барча кўрсатмалар фақат юқоридан келмоқда. Мутасаддилар жойларга чиқиб, йиғилиш ёки учрашувлар ўтказганда, турли-туман топшириқлар бериш билан кифояланмоқда. Икки ярим йиллик иш фаолиятим давомида маҳалла тизимининг Тошкентдан келган мутасаддилари ҳам бирор марта тўпланганларга “қандай муаммолар сизларни қийнамоқда, тизимда бўлаётган ўзгаришларга муносабатларинг қандай, нима қилсак маҳалла нуфузини янада ошириш ва уни аҳолига яқинлаштириш мумкин”, деб мурожаат қилганлигини эшитганим йўқ.

Замонавийлашаётган маҳалла аҳолига яқинлашмоқдами ёки..?


Таҳририятдан: Мамлакатимизда сўнгги икки йил ичида маҳалла институти катта ўзгаришларга учради. Янги лавозимлар жорий этилди. Маҳалла ходимлари зиммасидаги вазифаларнинг характери ўзгарганлиги, улар кўлами ошганлиги ҳақида ижтимиоий тармоқларда фикрлар билдирилмоқда. Янгиланишларга қарамасдан, аҳоли маҳалла тизимига нафақат ижобий, балки салбий муносбатда бўлаётганлиги таъкидланмоқда.

 

Биз ушбу ўзгаришлар ва уларнинг кўп асрлик тарихга эга бўлган маҳалла тизимига таъсири ҳақида Самарқанд вилояти бўйича ўз мухбиримиз, Самарқанд шаҳридаги “Боғимайдон” МФЙ раиси Тошпўлат Раҳматуллаевдан мақола тайёрлашини сўраган эдик. Қуйида ушбу мақола диққатингизга ҳавола этилмоқда.

 

 ТРАНСФОРМАЦИЯ

 Маҳаллага давлат томонидан эътибор кучайиб бораётган бир пайтда тизим ҳақида, унда маош олиб ишлаётган ходимлар фаолияти хусусида билдирилаётган салбий фикрларнинг сабаби нимада? Нега айрим чиқишларда ўта кескин, ҳатто нолойиқ сўзлар ишлатилмоқда?

 

воскресенье, 31 октября 2021 г.

Саёҳат – зиёрат – саломатлик

 


Бугун, 30 октябрь эрталабдан Ўзбекистон касаба уюшмалари федерациясининг Самарқанд вилоят кенгаши, вилоят ахборот ва оммавий коммуникациялар бошқармаси ва Ўзбекистон Журналистлари ижодий уюшмаси вилоят бўлими ҳамкорликда журналистлар, блогерлар ва ахборот хизмати ходимлари иштирокида “Саёҳат – зиёрат – саломатлик” шиори остида Самарқанд шаҳри бўйлаб юриш марафонини ташкил этилди.

 

Юриш марафони иштирокчилари Улуғбек расадхонасидан бошланиб, Хўжа Дониёр зиёратгоҳи, Самарқанд шаҳар тарихи музейи, Ҳазрати Хизр мажмуаси, Бибихоним жоме масжиди, Регистон майдони, Амир Темур мақбараси йўналиши бўйлаб ҳаракатланди. Ҳаммаси бўлиб 12 минг қадамдан кўпроқ масофа босиб ўтилди.

 

Унда Боғимайдон МФЙ фуқаролари ҳам фаол қатнашди.

 

 Регистон майдонида марафон иштирокчиларига Касаба уюшмаси томонидан китоблар совға қилинди. Бир пиёла чой устида қилинган суҳбат марафон қатнашчилирининг бир-бирлари билан янада яқинроқ танишиб олишлари учун ажойиб имконият яратди.  Барча қанташчилар бу ташаббус учун Ўзбекистон касаба уюшмалари федерациясининг Самарқанд вилоят кенгаши жамоаси ва унинг раиси Суҳроб Рафиқовга катта миннатдорчилик билдириб, зиёрат ва саломатликка йўналтирилган ана шундай тадбирлар бардавом бўлишини тилаб қолишди.

 

Юриш марафонида Касаба уюшмалири томонидан бошқа соҳадан таклиф этилганлар ҳам фаол қатнашди. Жумладан, Самарқанд шаҳридаги 2-поликлиника вакиллари марафон охиригача иштирок этишди. Улардан бири Офият Жалилова мунтазам бундай тадбирларда иштирок этишини ва бу унинг саломатлигига катта фойда бераётганлигини уқтирди.

 

Суҳбат охирида бундан кейин Ўзбекистон касаба уюшмалари федерациясининг Самарқанд вилоят кенгаши ҳамда Вилоят ахборот ва оммавий коммуникациялар бошқармаси раҳбарияти томонидан “Саёҳат – зиёрат – саломатлик” шиори остида янги йўналишлар бўйлаб ана шундай марафонлар ташкил этиш мақсадга мувофиқлиги таъкидланди.

 

Тошпўлат Раҳматуллаев


Маҳалла мавқеи янада мустаҳкамланади, уларнинг харажатлари бюджетдан молиялаштирилади

 

 

Фуқаролар ўзини ўзи бошқариш органларининг жамиятдаги ўрни ҳамда ролини кучайтириш, уларнинг аҳоли кундалик муаммолари билан ишлаш ва таъсирчан жамоатчилик назоратини амалга оширишдаги мавқеини мустаҳкамлаш, шунингдек, фуқаролар йиғини ходимларини ижтимоий қўллаб-қувватлаш орқали тизимнинг самарадорлигини ошириш мақсадида давлатимиз раҳбари томонидан қатор чора-тадбирлар белгиланди. Улар Президент Шавкат Мирдиёевнинг 17 октябрдаги фармонида батафсил кўрсатиб ўтилган.

 

Тўйга қайси санъткорни таклиф этамиз?

 




Самарқандимизда кўплаб истеъдодли санъаткорлар бор ва биз доим ҳам уларнинг қадрига етмаймиз. Айниқса, унвон ва давлат мукофотларидан улар негадир четга қолиб кетмоқда. Масалан, Асатулло Отауллаев, Баҳодир Сирожиддинов, Зулфия Рашидова, Ихтиёр Султонов, Салим Ғиёсов каби ҳофизу хонандаларнинг кейинги йилларда тақдирланаётганлардан қаери кам?

 

“Биз нима есак – ўшамиз”. Нега бундай дейилган?



Тибииёт ходимларининг уқтиришича, одамнинг умри давомида ортирадиган касалликларининг 80 фоизи нотўғри овқатланиш оқибатидир.

 

Инглизларда бир мақол бор: “We are what we eat”. Бу мақол “Биз нима есак – ўшамиз” деб таржима қилинган. Уни бошқача тарзда қуйидагича ифодалаш мумкин: “Сен менга нима ейишингни айт, мен сенинг кимлигингни айтаман”.

 

воскресенье, 26 сентября 2021 г.

Самарқандда “Рўдакий куни” нишонланди

 

Ҳар йили 22 сентябрь Тожикистонда “Рўдакий куни” байрам қилинади. Ушбу санага бағишланган адабий-маданий тадбир бугун Алишер Навоий ва Абдураҳмон Жомий ҳайкаллари ёнида бўлиб ўтди. Тадбир Самарқанд давлат университети, Ўзбекистон ёзувчилир уюшмаси вилоят бўлими, вилоят тожик ва тожикзабонлар миллий-маданий маркази ҳамда “Овози Самарқанд” газетаси таҳририяти ҳамкорлигида ташкил этилди.

 


Унда сўзга чиққанлар буюк гуманист шоирнинг ижоди ва ибратли ҳаёти ҳақида сўз юритиб, Абўабдулло Рўдакий асарларининг бош мавзуси инсонпарварлик, халқлар ўртасидаги дўстлик, жамиятдаги тотувлик эканлигини ва улардаги ҳикмат ҳамда панду насиҳатлар эскирмасдан асрлар оша инсониятга хизмат қилажагини қайд этишди.


Келин сепига - китоблар


 Самарқандда шаклланган одат бўйича, неварамнинг фотиҳа тўйи куни куёв томони катта сандиққа солинган моддий нарсалар юборди. Ушбу сандиқ ёнида яна бир кичикроқ сандиқ ҳам бор эди.  Унинг ичида анчагина китоб солинибди. Оллоҳга шукр, куёв томони юксак маърифат ва маънавият соҳиблари эканлигининг исботи бу!



Келинга юборган сепга фақат қимматбаҳо буюмлар эмас,  китоблар ҳам берилса, айни муддао бўларди.


 Самарқанд туманидаги Кўтарма қишлоғидан бўлган қудаларимизга тасанно! Бу одатни кенг тарғиб қилса арзийди.

суббота, 18 сентября 2021 г.

Булунғурда саховатпеша инсон 2200 намозхонга мўлжалланган масжид қурди

  


Самарқанд вилоятининг Булунғур туманида саховатпеша инсонлар томонидан янги масжид бунёд этилмоқда. Бир ярим йиллик меҳнат якунланиш арафасида. Масжиднинг очилиши келгуси ойга мўлжалланган.

 

Мусулмон оламида масжидлар Аллоҳ таолонинг ер юзидаги уйлари сифатида катта мавқега эга бўлиб, энг покиза маконлар саналади. Масжидлар Аллоҳ таолога энг маҳбуб масканлардир. Уларда Аллоҳ таолога ибодат қилиниши сабабли Пайғамбаримиз Муҳаммад соллаллоҳу алайҳи ва саллам марҳамат қилганларидек, «шаҳарларнинг Аллоҳга энг маҳбуб жойи – масжидларидир» (Имом Муслим ривояти).

 

Булунғур туманида бундан 30 йил аввал ҳаммаси бўлиб иккита масжид бўлган. Ҳозирга келиб, уларнинг сони 16тага етган. Шу кунларда яна иккита янги масжид қурилмоқда. Серқатнов кўча шундайгина ёнгинасида, М-39 халқаро автомобиль йўли устида қурилаётган масжид диққатимизни ўзига тортди. Бу “Амир Ҳамза” жоме масжиди экан. У 1989 йилда бунёд этилган ва шу кунларда унинг ҳудудида янги бино бунёд этилаётган экан.

 

Масжид имоми ва айни пайтда Булунғур туман бош имом хатиби Мамадиёр Жамонқуловни суҳбатга тортдик. Унинг уқтиришича, эски бино 500 намозхонга мўлжалланган экан. Масжид шундайгина Катта ўзбек тракти, туну кун автомобиль ҳаракати тўхтамайдиган йўл устида жойлашгани учун доимо мусофирлар билан гавжум бўлган ва намозхонлар учун торлик қилган. Шуни инобатга олиб, маҳаллий фуқаро Сайфиддин Ҳожи Ҳайитов ўзининг тадбиркор ўғиллари билан биргаликда “Амир Ҳамза” жоме масжиди ҳовлисидаги бўш ер майдонида янги масжид биноси қуриб бериш истагини билдирган.

 

“Натижада бир ярим йилга ҳам бормасдан туман аҳолиси ва меҳмонларимиз учун замонавий масжид биноси қад ростлади, – дейди М.Жамонқулов. – Ҳомийларимизга қўшилиб, бу савоб ишга бир қатор фуқаролар ўз ҳиссасини қўшди. Кимлардир қурилиш давомида уста-мардикорларга ёрдам кўрсатди, яна кимлардир уларнинг овқатидан хабар олиб турди. Бир сўз билан айтганда, ҳажиҳатлик натижасида ана шундай катта ва кўркам бино қурилди. Қурилиш жараёнлари билан танишиш мақсадида бир неча бор ушбу масжидга Самарқанд вилояти бош имом-хатиби Зайниддин домла Эшонқулов, ҳамда Ўзбекистон мусулмонлар идораси раиси, марҳум муфтий Усмонхон Алимов ҳазратлари ташриф буюришган”.

 

Биз Сайфиддин Ҳожи Ҳайитов билан ҳам учрашдик. Суҳбатдошимиз муқаддас динимизда масжид қуриш ва уни обод этиш энг савобли амаллардан саналишини уқтириб, қуйидаги ҳадиси шарифни келтирди: “Ким Аллоҳнинг розилигини тилаб бир масжид қурса, Аллоҳ жаннатда унга ўшанинг мислини қуриб беради». 

 

Масжиднинг янги биноси қуришга нима туртки бўлганлигини сўраганимда, С.Ҳайитов қуйидагича жавоб қайтарди: “Катта ўғлим Азамат Тошкентда ишлайди. Ҳайит намозларига келганида, масжидга одам сиғмай кетганлигини кўриб, хайрли ишга қўл уриб, масжид ҳовлисида бўш ер майдонида янги бино қуриш таклифини билдирди ва буни оилавий қўллаб-қувватладик. Хайрли иш ўтган йилнинг июнь ойида бошланган эди. Бино тўла қурилиб, фойдаланиш учун тайёр ҳолга келтирилган. Бирор ой ичида очамиз. Масжид икки қаватдан иборат бўлиб, 2200 намозхонни сиғдира олади”.

 

Қурилиш ишларига холисона бош-қош бўлган Умид Атахоновнинг сўзларига қараганда,

қурувчи усталар Андижондан таклиф қилинган. Ажойиб гумбаз наманганлик, эшиклар эса самарқанлик қўли гул усталарнинг иши экан.

 

Энди масжидга “Амир Ҳамза” деб ном берилганлиги ҳақида.  М.Жамонқулов бунга изоҳ бериб, масжид  машҳур саҳоба – Пайғамбаримиз (с.а.в.) нинг амакилари Ҳамза ибн Абдулмутталиб (р.а.)  номлари билан аталганлигини таъкидлади. 

 

Тошпўлат Раҳматуллаев

“Олтин тўй”га ҳам етказди. Шукр!




Ярим аср давомида биргамиз. Вақтнинг шиддат билан ўтишини қаранг! Тўйимизга 50 йил ўтибди. Университетнинг биринчи курсига қабул қилинганимизга эса нақ 55 йил тўлди!

 

Ҳа, София Мўминова билан умр ришталарини бирга боғлаганимизга ярим аср ўтди. Шунча муддат бирга бўлишнинг гашти ва бахту тахти ўзгача! Буни ҳис қилиш, чуқур англаш лозим.

 

Мана, бу кунга келиб, фарзанд, невараю эваралар оғушида мазмунли ҳаётимизни давом эттиряпмиз. Ҳанузгача ўзгаларга юк бўлмасдан, қўлимиздан келгунича атрофимиздагиларга мададкор бўлишга имкон топаётган эканмиз, бунинг учун меҳрибон Оллоҳга ҳамду санолар айтамиз.

 

Ҳа, олти мучални кўриб, 50 йил оилавий ҳаётда бўлишлик ҳам Оллоҳнинг иноятидир. Афсуски, бу кунга етиб келмаганлар қанча. Бундан ташқари, кейинги йилларда оиладек муқаддас қўрғонга жиддий муносабатда бўлмаганлар сони ортди. Оилавий жанжаллар ва ажралишлар кўпайиб кетаётганлиги шундан далолат эмасми?

 

Шу сабабли турмуш қурганига 25, 40-50 йил бўлганларнинг тажрибасини ўрнак қилиб кўрсатиш, ёшларга оила муқаддаслиги ҳақидаги тушунчаларни сингдириш ва буни миллий қадриятларимиздан бири сифатида тарғиб этиш тарбиянинг ажралмас қисмига айланса, айни муддао бўларди...

 

У вақтлар тўйлар бошқача ўтарди. 1971 йилнинг 18 сентябрида тўйимиз бўлиб ўтган эди. Ўша давр одатига кўра никоҳ қайди (ЗАГС)ни икки кун олдин ўтказган эдик. Унда 15 нафарга яқин дўсту қариндошлар иштирок этган эди. Қайддан ўтгач, камторона дастурхон ёзилган эди.

 

Ўша даврнинг яна бир одати, тўй базми қиз чиқарганнинг хонадонида бўлиб ўтарди. Тўй кечаси жуда мазмунли ва қувноқ ўтди. У пайтда сўз қадрини билганлар ва тушунганлар кўпчиликни ташкил этарди. Тўй соҳиблари ва ёшларни табриклаганлар ўта маданият ва донишмандлик билан тилак билдиришади. Ҳозирги тўйлардан табриклаш одати деярли кўтарилди, икки оғиз сўзни ҳам адабий тилда гапириш қўлидан келмайдиганлар кўпайди...

 

Софияхонум кўп йиллар Самарқанд кооператив институтида ва ушбу институтнинг академик лицейида ёшларга сабоқ берди. Иш билан бирга уй ишлари, фарзандлар тарбияси ҳам унинг диққат марказида бўлди. Ҳаётда ҳамма нарса бўлади. Ҳаёт текис ва равон йўл каби силлиқ эмас. Худога шукр, биз елкама-елка туриб, барча қийинчиликларни енгдик, синовлардан ўтдик.

 

Узоқ ва бахтли оилавий ҳаётнинг муҳим омиллари ўзаро ҳурмат ва керакли пайтда бир-бирини қўллаб-қувватлаш, ёрингнинг дардига дармон бўлиш десам, тўғри бўлар. Ана шу омиллар ҳақида энди оила қураётганларга гапириб бериш учун ҳам кумуш ё олтин тўйни оврўпача деб улардан воз кечмаслик керак. Гап шаклда эмас, мазмунда ва бу тадбирларни қандай ўтказишда...

 

Машҳур ҳофиз Фахриддин Умаровнинг шоир Тўра Сулаймон шеъри билан айтиладиган “Умр ўтмоқда” қўшиғини жон дилимиз билан тинглаймиз.

 

Эсиз, болаликни қолдириб ортда

Умр ўтмоқдадир, умр ўтмоқда.

Қолдириб, қолдирмай из бу ҳаётда

Умр ўтмоқдадир, умр ўтмоқда.

 

Жуда тўғри, умр оқар дарё сингари ўтиб кетади. Охирида “эсиз” деб қолмаслик учун умрни мазмунли, фойдали ва самарали ўтказишга эришмоқ лозим. Жумладан, оилавий ҳаётда ҳам эр-хотин бир-бирига таяниб яшаса, умрнинг мазмуни янада ошади.

 

Тошпўлат Раҳматуллаев

Уддалай олмайдиган ишингни бошлама, қўлингдан келадиганини қил!

 Шаҳар электр тармоқлари идораси раҳбарлари диққатига!

 



Андишани ҳам расво қилдинглар. Неча марта бир муаммо бўйича мурожаат қилиш мумкин? Раҳбарларингга телеграм ва телефон орқали чиқиб, ўз зиммаларингдаги ишни бажаришларингни сўраган эдим. Аммо бугун-эрта деб қанча вақт ўтиб кетди. Эски тос, эски ҳаммом...


Боғимайдон маҳалласида “Еттигўр” қабристони девори ёнидан кабель кўмиш учун 100 метрача узунликдаги чуқур қазилганига беш ойча бўлди. Хандақ қазилгач, тезда кўмилмади ва у ахлатхона айланди, ҳамма ёқ чангу ғуборга тўлди. Бир неча марта қилган мурожаатимиздан сўнг кабель ётқизилиб, чуқур кўмилди. Аммо иш охиригача етказилмади, мошина ўтса ёки шамол кўтарилса, ҳамма ёқни чанг тўзон қоплайди. Ёғингарчилик бошланса, лой кечишга тўғри келади. 

 

Самарқанд ҳудудий электр тармоқлари корхонаси ва унинг шаҳар бўлими раҳбарларига муражаатимиз самарасиз қолиб кетмоқда. Биламан, вилоятда қилишингиз лозим бўлган иш жуда кўп. Шу сабабли имкониятдан келиб чиққан ҳолда бу ишга киришиш керак эди. Ўша савил қолгур кабелни улаш ишларини охиригача етказиш иложи бўлмаса, ишни бошлаб нима қилардингиз? Ҳаммасини тайёрлаб бир неча кун ичида ишни якунлашни режалаштириш керак эмасмиди?!

 

Маҳалламиздаги эскирган, қийшиқ симёғочларни алмаштириш дастурга кирган дейилган эди. Лекин қани натижа? Икки йил давомида юқори ташкилотлардан маҳаллани ободонлаштириш бўйича нималар қилиш керак деган саволлар юборишади. Биз жумладан 70та эски симёғочларни янгисига алмаштириш лозимлигини ёзиб юборамиз. Ҳаммаси қоғозда қолиб кетмоқда.

 

Ўтган йилги реконструкциядан сўнг Афросиёб кўчасида битта эски столба қолиб кетди. Мутасаддилар  бригадир Акмал ака бошчилигида келиб, тез орада уни янгисага алмаштиришни ваъда қилиб кетган эди. Шунга ҳам бир ярим йил бўлди...

 

Тошпўлат Раҳматуллаев

 

Қабристонларни сақлаш ва ободонлаштиришга масъул бўлганлар ўз вазифасини қандай бажармоқда?

Шаҳар Ободонлаштириш бошқармаси Қабристонларни сақлаш участкаси раҳбари диққатига!

 


Олти ой мобайнида ўз зиммасидаги оддийгина вазифани ҳал қилаолмаган мутасаддини нима деб аташ мумкин? Боз устига гап қабристон ободлиги ҳақида кетаётган бўлса, ишни пайсалга солишдан мақсад нима? Ўзимизни савобталаб қилиб кўрсатамизу, аммо савоб ишни, ҳатто бу иш ўзимизнинг бевосита вазифамизга кирса ҳам ўз вақтида бажармаймиз.

 

Март ойида “Еттигўр” қабристонидаги қуриган дарахт шохларини кесиш ва уларга шакл бериш кераклиги ҳақида Самарқанд шаҳар Ободонлаштириш бошқармаси Қабристонларни сақлаш участкаси раҳбари Ином Раҳмоновга мурожаат қилган эдик. У бунинг учун Давлат хизматлари марказига мурожаат қилиш ҳамда Экология ва атроф муҳитни муҳофаза қилиш органидан рухсатнома олиш шартлигини айтиб, бу иш билан шуғулланишини уқтирган эди.

 

Ўтган ярим йил давомида кўп марталаб И.Раҳмоновга ва Ободонлаштириш бошқармаси мутасаддиларига чинорларнинг қуриган шохлари кесиб ташланмаса, улар айвоннинг томи ва қабртошлар устига тушиб, уларга зиён етказиши мумкинлиги ҳақида огоҳлантиришимизга қарамасдан, ҳеч қандай амалий иш қилинмади.

                 

Албатта бу ишни ўзимиз маҳалладошлар билан бажаришимиз мумкин эди. Аммо Давлат хизматлари марказига қабристонга масъул бўлган давлат ташкилоти бевосита мурожаат қилиши ҳамда тўловларни амалга ошириши керак эди.

 

Қуйида дарахтларнинг қуриган шохлари билан бирга “Еттигўр” қабристонида маҳалламизнинг савобталаб фуқаролари томонидан амалга оширилган ободонлаштириш ишлари намоён этувчи суратлар жойлаштирилганлиги бежиз эмас. Охирги йилларда қабристонни ободонлаштириш йўлида каттагина ибратли ишлар амалга оширилди. Марҳамат, хоҳлаганлар келиб кўриши мумкин.

 

                  

                                      

Ушбу материални тайёрлаш давомида Ободонлаштириш бошқармаси ҳамда унинг таркибидаги Қабристонларни сақлаш участкасининг вазифалари ва ҳукумат томонидан улар олдига қўйилган талаблар нимадан иборатлиги билан танишдим.  

 

Вазирлар Маҳкамаси тасдиқлаган “Шаҳарлар ва туманлар ободонлаштириш бошқармалари тўғрисида”ги Намунавий низомда қабристонлар ҳудудида зарур тартиб ва тозаликни таъминлаш Ободонлаштириш бошқармасининг вазифаси сифатида белгилаб қўйилган.

 

“Муқаддас қадамжолар, зиёратгоҳлар, масжидлар ва қабристонларни ободонлаштириш ишларини самарали ташкил этиш тўғрисида”ги Вазирлар маҳкамасининг 2018 йил 15 февралдаги қарорида қабристонларни тартибга келтириш ва ободонлаштириш бўйича қатор вазифалар белгилаб берилган. Мана, улардан айримлари:

 

Қабристонларда ҳар бир қабрни (шу жумладан рақамланмаган қабрларни) рақамлаш ва ҳисоб дафтарида тизимли қайд этиб бориш. Мудати – 2018 йил июль.

 

Муқаддас қадамжолар, зиёратгоҳлар, масжидлар ва қабристонларни ободонлаштириш ишлари учун Ўзбекистон Республикаси Давлат бюджетининг 2018 йил бошига мавжуд маблағининг тасдиқланган айланма касса маблағлари миқдоридан ошган қисми ҳисобидан Қорақалпоғистон Республикаси бюджетига, вилоятлар ва Тошкент шаҳар маҳаллий бюджетларига 3 млрд. сўмдан маблағ ажратиш ва ажратилган маблағлардан самарали фойдаланиш. Мудати – 2018 йил биринчи ярим йиллигида.

 

Икки ой муддатда диний қоидалар ва миллий урф-одатларни эътиборга олган ҳолда қабристонлар тузилиши (қабристон ҳудуди, қабрлар орасидаги йўлаклар, қабр тошлари)нинг ягона намунавий лойиҳасини ишлаб чиқиб, Вазирлар Маҳкамасига киритиш.

 

Муқаддас қадамжолар, зиёратгоҳлар, масжидлар ва қабристонларни зиёрат қилиш одоблари бўйича тавсиялар ишлаб чиқиш. Муқаддас қадамжолар, зиёратгоҳлар, масжидлар ва қабристонларда зиёрат қилиш одоблари ёзилган лавҳаларнинг тегишли жойларда ўрнатилишини таъминлаш. Мудати – 2018 йил февраль.

 

Хўш, азизлар, Ободонлаштириш бошқармаси таркибидаги Қабристонларни сақлаш участкаси ҳукумат қарорида белгилаб берилган қайси вазифани бажаришда жонбозлик кўрсатди?

 

Тошпўлат Раҳматуллаев


четверг, 23 июля 2020 г.

Как идет прием документов на первый класс?



Ежегодно прием на первый класс в так называемые престижные школы Самарканда с большими трудностями для простых людей. Как обстоит дело в этом году? Сдали ли документ в школу, которая расположена в своем микроучастке без трудностей?

суббота, 18 июля 2020 г.

Маҳалла тизими ходимлари учун дам олиш куни йўқ!


Дарҳақиқат, маҳалла тизими ходимларига аниқ дам олиш куни у ёқда турсин, дам олиш соати ҳам бўлмаслиги мумкин. Чунки муаммоси чиқиб қолган ватандош вақт ва соатга қарамасдан, маҳаллага мурожаат қилади. Маҳалла тизими ходимларининг аксарияти бунга ўрганиб ҳам қолган. Шу ишга ўтаётганида, нима бўлишини билган. Бу постнинг ёзишимдан мақсад иш кўплигини айтиб, нолиш эмас.

Судьянинг адолатли қарор қабул қилишига таъсир ўтказувчи омиллар тугатиладими?



Одил судлов тизими ҳуқуқий демократик давлатнинг бош мезонларидан биридир. Адолат бўлмаган жойда ўзибўларчилик, қариндош-уруғчилик, коррупция авж олади, одамларда ҳеч нарсага ишонч қолмайди. 

Можно ли отключит Самарканд от холодной воды на два дня? Легко…



В Самарканде в самый разгар лета – в саратоне при температуре 40 градусов в тени на двое суток отключают холодную воду. Это сообщение вызвало недовольство жителей древнего города. В социальных сетях люди активно выражают свой гнев.

воскресенье, 5 июля 2020 г.

Общественная палата – не декорация демократии! Там не должно быть место льстецам и демагогам




Станет ли создаваемая в нашей стране Общественная палата мостом между обществом и государством? Сможет ли она, поддерживая институты гражданского общества, повышать активность населения? Будет ли данная организация по-настоящему независимой, способной осуществить общественный контроль, защитить интересов простых людей?

Маҳаллалар “Шоҳизинда” қабристонидаги ҳашарда фаол қатнашди




Самарқанд шаҳар маҳалла ва оилани қўллаб-қувватлаш бўлими томонидан 5 июль куни “Шоҳизинда” қабристонида ташкил этилган ҳашарда 100дан ортиқ маҳалла фуқаролар йиғинидан 500 нафардан кўпроқ киши фаол қатнашди.

среда, 1 июля 2020 г.

Долзарб уч ойликнинг мазмун-моҳиятига бағишланган семинар бўлиб ўтди



Самарқанд шаҳар Боғимайдон маҳалла марказида «Жонажон юртим ободлигига ўз ҳиссамни қўшаман!» шиори остида “Обод хонадон”, “Обод кўча” ва “Обод маҳалла” тамойили асосида мамлакатимизда ўтказилаётган долзарб уч ойликнинг мазмун-моҳиятига бағишланган семинар бўлиб ўтди. Унда 2-сектор ҳудудидаги 15та МФЙ раислари ва уларнинг ўринбосарлари иштирок этди.

вторник, 30 июня 2020 г.

Дарахтларга зиён етмайдими?






Самарқанд шаҳридаги 30-МТТ биносининг мукаммал таъмирланиши жароёнида уч ё тўртта кўп йиллик дарахтга зиён етиши мумкин. 90 нафар болага мўлжалланган эски бинонинг ёнида 60 нафар тарбияланувчи учун янги бино қурилмоқда. Ушбу бино қурилиши учун тайёрланган майдонча ўртасида битта ва атрофида учта дарахт бор.

Қабристон ободлиги фақат қора мармартошлар билан ўлчанмайди



Шу кунларда қабристонлардаги ўт-ўланлар сарғая бошлади. Улар инсон сўнги қўним топадиган даргоҳнинг кўринишини бузиб турганидан ташқари, ёниб кетиш хавфи борлиги туфайли ҳам уларни ўриб ташламоқ зарур.

Приступил к работе новый медицинский центр



В Самарканде открылся новый лечебно-диагностический центр «Jahongir shifo baxt». Медцентр расположен в махалле Юксалиш (бывш. Аэропорт), недалеко от воздушной гавани нашего города.

Самарқанддаги кечки бозор янги жойга кўчди


  


Уста Умар Жўрақулов кўчасида жойлашган ва самарқандликлар учун “Янги бозор” бўлиб қолаётган кечки бозор ўз манзилини алмаштирди. Бозор Самарқанд туманининг Конигил қишлоғи ҳудудига кўчди. 

Заведующим Секретариатом Кабмина назначен Фуркат Рахимов

Постановлением правительства Фуркат Жалолович Рахимов, работавший заместителем министра инвестиций и внешней торговли, назначен на должность заведующего Секретариатом по вопросам инвестиций, поддержки экспорта и внешнеэкономических связей Кабинета Министров Республики Узбекистан.

Боғимайдон. Карантинда ҳам ободонлаштириш ишлари давом этмоқда



Маҳалламиз марказида ўтган йилда бошланган ободонлаштириш ва кўкаламзорлаштириш ишлари бугунга келиб ўз натижасини кўрсата бошлади. Арча дарахтлари, атиргул, бошқа хил гул ва райҳонлар кишига ўзгача завқ бағишламоқда.

четверг, 21 мая 2020 г.

В условиях карантина в Самарканде в спешном порядке провели судебное заседание в кафе


В Самарканде 20 мая городской экономический суд провел выездное судебное заседание в павильоне по торговле мороженым. Это разве не противоречит требованию карантина, особенно в регионе, где действуют строгие ограничительные меры?

Карантин: у Самарканда особый статус, строгие ограничения продолжаются


Те меры по смягчению требованию к карантину, которые начались в нашей стране с 18 мая, не коснулись Самарканд. Здесь сохранились введенные 13 мая усиленные правила карантина, остаются в силе строгие ограничения.